A TOBUL
Lungtan khaw din hun hi a kum felfai tak hriat a harsa hle a, a michengte atang a kum chhinchhiah theih hla ber chu PT Lamzama hi a nih hmel. PT Lamzama (L) hi Pu Veithanga, (L, Bawlpu) fapa niin kum 1861 ah Lungtan khuaah a lo piang a, Zawhzazo pa ni in a hunlai chuan ‘mitha kumhlun’ ti a hriat thin a ni a. Kum 1934-ah a boral a ni. Hemi hmalam hi kum zat chhinchhiah felfai tak hriat a har tawh hle a. Kum zat felfai tak hriat theih leh chu Kum 1901 ah Lal Zataia hian Chalrang atangin Lungtan khua a thut a, Lal Zataia’n Lungtan khua a thutlai hian Lungtan khua hi In 206 an ni. Kum 1903 ah Primary School din a ni a, Zirtirtu hmasa ber hi Lalhut a ni. Zirtirtu hmasa ber Lalhuta hian a Zirlai mi 5 lai mai Kristian ah a luh tir nghe nghe ani. Kum 1908 ah Khawhai ah an kai chho leh a, Kum 1929 ah Pu zataia Fapa hming koh Pu Lalhmingliana Sailo, Lal Zaitaia fa hmingkoh hoin Lungtan khua hi kai leh ani a, hetih lai hian Lalhmingliana hi kum 19 chauh a nih avangin, Lal Zataia hian Pu Lalhmingliana hi lal a ni ang a, Pu Lianthuama Sailo (Tun a Pu Lalrinliana Sailo Ex- Minister & Speaker pu) in ro arel ang tiin thu a thlah hial reng ani. Lungtan Khua an sah that leh pawh hian Lal Zataia hian a mi chhuan tak tak te hi Lal Hmingliana hi a chhawmtir a, chungte chu, Pu Chalthanga Bawlpu (tun a Khawhai South a khawsa mek Pi Council-Thangi pu) Lal Upa Hrangkunga, Darzoa
Sadawt,Patawia tlangau,te bak ah a mi tha tak tak te hi lal Hmingliana hian a chhawm thla a ni.
Khaw hming put chhan
Lungtan khaw hming put chhan hi thlur hnihin an sawi thin a, Pakhatna zawk chu Lungtan khua hi hmar hnam peng pakhat, Lungtan hnam ten an luah thin ni a sawina a awm a, Adang lehah chuan Lungtan ramchhungah hian Lungtan tlang, tlang chhip a lung intan sa sawm leh pakhat (11) inphahna hmun a awm a, hemi hming chawi hian Lungtan khaw hming hi sak a ni ti a ring an awm bawk.
Tun dinhmun
Tunah hian Lungtan khuaah hian In ding za sawmhnih leh paruk (126) a awm mek a, Mi 767 vel khawsa mek ni a hriat a ni. Zirna in hi Anganwadi Centre pahnih a awm a, Govt Primary School (1903 kum a din), Govt. Middle School (Kum 1982 a din) leh Sailothanga memorial High School(Kum 2009 a din) te a awm mek a. Kohhran pathum Presbyterian, Roman catholic leh United penticostal church(Mizoram) te an awm bawk.
Hmun hmingthang
Lungtan khawdai khawthlang lamah hian Mizoram Upa Pawl(MUP) enkawl Sahlam a awm a, Tin, Ram hmingthang leh chanchin ngah tak Intechhip ram a awm bawk, he ramchhungah hian pi leh pute sulhnu bakah hmun hmingthang leh nuam tak tak a awm nual a, tun hma hun a huai chettlatna hrang hrang ni a ngaihte pawh he hmunah hian hmuh tur a la awm a ni.
