Ni 21.03.2025 chawhnu dar 4:00 khan I&PR Conference Hall-ah District Beautification Competition result puanchhuahna leh lawmman semna hun hman niin, Pu Lalmalsawma Pachuau, Secretary, UD&PA chuan  programme kaihruai a. UD&PA Minister Pu K. Sapdanga chuan khuallian niin he hun hi a hmanpui a, lawmman a sem nghal bawk a ni.

He hun hmanah hian thu sawiin Pu K. Sapdanga chuan District Beautification Competition danglamna chu competition dangah chuan result puan hi a hmawrbawkna a ni thin laiin, he District chei mawi inelna-ah chuan result puan hi a bul kan tanna chauh a ni a.  Lawmman dawngtu ten an lawmman dawn chu an DPR te atak ram an chantir theih nan bul tan nan hman tur thu sawiin, a la dawng ve lo te pawn a leh pek atan tha thlah lova inelna spirit kalpui chhunzawm zel turin a chah hlawm a ni. He Competition chhunga District tin te inpekna leh thawhrimna te, fakawm a tih thu Minister chuan sawiin, he inelna hian District tinah ngaihtuahna thar leh hmasawnna rahbi thar min kaipui ngei kan beisei tlat a ni, a ti.

Minister Pu Sapdanga chuan District chei mawi inelnaa tha thawhtu zawng zawng te hnenah lawmthu sawiin, a endik hna thawktu  MZU a Department of Planning & Architecture a  mithiam chungah pawh lawmthu a sawi bawk.

Khuallian Pu K.Sapdang chuan District Chei mawi inelnaa a ti tha zual pathum te :

1)     1st—Khawzawl District

2)     2nd---Siaha District

3)     3rd---Serchhip District  hnenah lawmman a sem nghal bawk a ni. 

Pu Jacob Lalawmpuia, Director, UD&PA chuan Technical Report pein, District Beautification Competition 2025  chu UP&PA Minister leh Secretary te thahnmengaihna in State priority Project hnuaiah District lama official ten an District Headquarters chei mawi nan leh khawpui thang zela an District theuha hmasawnna daihrei an neih theihna tura duan a ni, a ti a. Competition hi December ni 17, 2024 ah kick-off a ni a. District tin hian an khawpui chei mawina tur leh thawm thatna tur hrang hrang atan District Beautification Detailed Project Report an buatsaih theuh a, inbuatsaihna tur hian December ni 17,2024 atanga February ni 26, 2025 thleng hun pek an ni a. February 27, 2025 ah DPR te rawn submit felin, February ni 28 ah District tinin Project Presentation an nei a ni. He inelna hi Mizoram University-a Department of Planning & Architecture atanga mi thiam tak tak te ruat an ni a. Anni hian March ni 3, 2025 atanga endikna (on-field assessment) tanin, March ni 12, 2025 ah endikna hi zawhfel a ni.District ti tha zual pathum (Top three winners) lawmman hian ₹. 50,00,000/- a keng tel a, Participatory Prize hian Rs. 2,00,000/-a keng tel theuh bawk a ni. Heng lawmman te bakah hian Judge te chetvelna atana senso ngai te, lawmman leh programme hrang hrang kan huaihawtna atan te bakah senso tul dang te nen District Beautification Competition budget pumpui atan hian ₹.1,70,93,000 dah a ni, a ti.

He programme-ah hian Serchhip, Khawzawl leh kolasib District Deputy Commissioner ten thu tawi sawina hun an hmang a. Panel of Judges Team I&II aiawh ten endikna an kalpui dan report an pe bawk.  Pi Vanlalhruaitluangi, Deputy Director (Hqrs), UD&PA Department in lawmthu sawina in vawiin programme hi a khar ta a ni.