Vawiin khan Pu C.C Lalchhuangkima, DC Khawzawl leh Pu Lalvenhima, Addl DC, Sub Hqrs YMA aiawh, Pu Er. Liantluanga Chawhte, EE,PHED, Pu James Lalbiakthanga, JE P&E, Pu Vanlaltluanga Parte, SDPO leh APPL Company hotu ten Tuichang leh Khawzawl inkar a National Highway laih mek a Lung hal avanga harsatna thleng thin chinfel dan tur a hmun ah an en. 

Kawng lai lung hal avang hian tuichang a PHE tui pump na pump house chawmtu Electric current line/cable chu a chhe fo mai a. Hemi avang hian PHED te hian Khawzawl mipui tui mamawh ang an pump theilo thin a. He harsatna sut kianna tur hian APPL Company, P & E leh PHED te chu mumal zawk a in rawn a, lung hal avanga chhiatna thleng te siam that zung zung a nih theihna tur in theihtawp a hmalak nise tih a ni. 

Tun thal chhung hian he kawng laih hi a theih ang a tam Company hian laih an tum a. Hemi avanga mipui in harsatna nasa zawk kan tawh loh na tur in an hmalakna ah a Department kaihhnawih tur te an hmalak dan tur hrilh hre hmasa zel tur a tih an ni bawk.