Ni 15.02.2024  zing dar 10:30 khan NABARD project pawimawh tak,Tribal Development Fund chu Chief Guest -Khawzawl Additional DC Pu Lalfakzuala hoa hawnna neih a ni.
He programme ah hian TDF Project Implementing Agency atana thlan North East Initiative Development Agency(NEIDA) District Coordinator, Champhai Pu SC Ramnunmawia kaihhruainain 1st Session leh 2nd Session neih a ni a. TDF Project atana thlan khaw pali Khawhai, New Chalrang, Chawngtlai leh Neihdawn khua atang Dragon Fruit Farmers bakah Khawzawl Head of Department hrang hrang te nen hun hman a ni.
Programme hawnna Pu Lalfakzuala, Khawzawl ADC in a nei nghala, loneitute tha thara tan kan ngaih zia leh thil dawn ringawt beisei loa mahni in a thawh tak tak kan tum a ngaih thu a sawia, heng khaw pali te an vanneih zia sawiin NEIDA tha lo ti chaktu ni turte, Department Head lo kal te pawh a theihna ang anga thawk ho turin a sawm nghal bawk.
NEIDA lam atang Pu JH Vanlalruata, Programme Officer-in Technical report pe in, Dragon Fruit plantation an kalpui tum dan te, NEIDA in Mizorama hma kan lak tawhna te leh TDF Project tho Champhaia kan kalpui tawh dante report a pe a. Training leh Field Monitoring hi NEIDA bakah NABARD lamin an neih nasat dawn avangin loneitu lo kal khawm te pawh tih tak zet zet rilru pu a hma lo lak pui turin a sawm nghal ani.
“A hmunah kanlo kal nasa dawna, Central Project anih angin uluk takin NABARD in kan vil dawna, tih tak zet zetin tan lo la ula, NEIDA staff ah technical mithiam tam tak an awm avanga ring ngamin tha takin kan thawh ho theih ka beisei’’ tiin NABARD District Development Manager Pi Lalhmachhuani chuan loneitu lo kal te a fuih bawk.
Khawzawl DAO Pu Vanlalruata Hnamte, KVK Head & Senior Scientist  Dr. Malsawmkimi leh Senior SR & HD Pu HD Liansanga ten an tawnhriat bengvar thlak tak tak leh loneitute tana hriattur pawimawh zualpui te hrilhna hun nei bawkin,an theihna chin chinah he Project hi a hlawhtlin theih nan theihtawp chhuah an inhuam thu an sawi bawk.
Farmers Club te enkawl tur Custom Hiring Center semna hun neih niin he programme hi khar a ni.