Dated Khawzawl, the 19th February, 2026: Vawiin khan Mizoram State Legal Services Authority leh Administrative Training Institute tangkawpin an buatsaih Special Awareness Campaign on Legal Provisions and matter for Government Officials of Mizoram chu DC Conference Hall khawzawlah neih a ni a, Khawzawl District Bawrhsap Pu K. Vanlalthiana'n a hmanpui.

Bawrhsap chuan sawrkar hnathawk te tan dan hriatna lama awerreness tha tak an buatsaih sak thei chu lawmawm a tih thu a sawi a. Hnathawktute tan dan leh hrai inhrilhhriatna hun tha tak a ni a ti. Dan hriatna hian inringtawk taka hna thawh theihna min pe a. Dan hriat lohna avangin mi tam takin kan tih tur kan tih loh phah a, a thenin ka tihloh tur kan tih phah bawk thin a, Dan hmaah chuan hriatlohna hi chhuanlam tling a nih loh avangin kan hriatna kan tih zau belh zel hi a tul tak zet a ni a ti. He hun hi huntha a ni tih hria a, kan hriat duh leh hriatchian loh kan neih te pawh a te lua awm lo a zawhna zawt hreh lo tur leh he hun hi hlawkthlak taka hmang turin a chah a ni.

He hun hi ATI Director,  Pi Lalnunmawii Pachuau chuan a kaihruai a. Financial year kan hman mek chhung hian District tinah hetiang inzirtirna hun hi hman tum a nih thu a sawi a. Khawzawl District chu a tawpna ber  a nih tawh thu a sawi. Dan hriatna hi sawrkar hnathawk ten an awmna hmun theuha an mamawh a ni a, dan hriatna lamah  tun aia kan san chuan sawrkar sum sen tam tak hi a kan pumpelh thei dawn a ni a ti a. Dan kan hriatna a inchen loh avangin intuiatharna neih hi tul nia hriain he hun hi buatsaih a nih thu a sawi a, kalkhawmten hlawkna an chan ngei a beisei thu a sawi.

Heng topic hrang hrang  Writ prtitions including appeals, contempt cases and parawise comments,  ADR-Alternate Dispute Redressal/Legal Services,  Child Laws: POCSO &JJ Acts,  Social Media Ethics, leh General principles/Legal Maxims/Doctrines in Law-te hmang hian  Pu Andrew Lalhruaitluanga, CJM &Secretary,  Champhai DLSA, Pi Zonunthari Advocate leh Pu Vanlalruata, Civil Judge-cum-JMFC ten kalkhawmte an zirtir a, Pu K. Zarammuana  Addl.D.C khawzawl District in lawmthu sawiin he hun hi a khar a ni.