Khawzawl, the 21st December, 2021:

Vawiin khan Pu C.C. Lalchhuangkima, Deputy Commissioner, Khawzawl District ruahmannain State Disaster Response Fund (SDRF) atanga Covid-19 hrileng dona hmanraw hrang hrang lei te chu semchhuah a ni a. Bungruate lei a nih laia Khawzawl District chhunga Covid-19 positive tamna heng – Khawzawl District Headquarters chhunga veng hrang hrang VLTF te bakah Chawngtlai VLTF leh Khualen VLTF te hnenah Covid-19 dona hmanruate hi hlan tur a ni. 

SDRF for Covid-19 atanga lei, Covid-19 hrileng dona hmanrua semchhuah zat hi PPE Kit 16, Pulse Oxymeter 13, BP Monitor (Digital) 12, Digital Thermometer 18, Facemask box 9, Steamer 9 leh Hand Sanitizer (500 ml) bur 12 a ni a. 

Pu James Lalnithanga, SDO (Sadar) & Nodal Office, Covid-19 leh Pu H. Lalramenga, SDC ten DC aiawhin VLTF te kutah an hlan a ni.

Written by H. Lalramenga, SDC, Khawzawl District