Khawzawl the 31st, Oct. 2022: Deputy Commissioner, Khawzawl District buatsaihin tukin zing khan Rashtriya Ekta Diwas (National Unity Day) pualin Unity Run neih a ni a. He hunah hian Pu Lalvenhima, Addl DC hovin officers hrang hragte, Govt. Khawzawl HSS zirlai naupangte leh zirtirtute nen mi 100 vel an tel a ni. 

Unity Run hi Taidawnkawn, Zaingen Veng atangin Pu Lalvenhima, Addl DC in vailiam a, Zuchhip Field No 1 thleng an tlan a ni. Thu sawiin Pu Lalvenhima, Addl DC chuan Rashtriya Ekta Diwas chu Sardar Vallabhbhai Patel piancham pha apiangin hman thin a ni a. India ram zalenna a lo hmuh lai a, ram inpumkhatna a lo awm theihna atan a a thawhrimnate leh beihnate kan hre thar leh a ni, a ti a. Thalaite chu hriselna ngai pawimawh turin leh infiamna te ti nasa turin a fuih bawk a ni.

He hunah hian Pu Kamdingliana, GKHSS lecturer kaihhruaina hnuaiah thutiam ‘pleadge taking’ neih a ni bawk a ni. Rashtriya Ekta Diwas (National Unity Day) hi kumtin 31st Oct. ah neih a ni thin a ni.