Ninin ni 25.06.2024 khan Khawzawl DC Office Welfare Association ten Pu K. Lalrohlua, Deputy Commissioner chu DC Auditorium-ah thlahna hun an hmang a. He hun hi Pu Lalhungchhunga, Vice President, Welfare Association chuan a kaihruai a ni.

Pi Lalchawimawii Khawlhring chuan programe-te Pathain hnenah hlanin tanna hun a hmang a, Pu Vanlalchhanhima, President, Welfare Association leh midang ten DC thlahna thu an sawi a ni.

Pu K. Lalrohlua chuan thusawiin thawhpui tha tak tak Pathianin a pel thin chu a lawm thu sawiin, Khawzawla a awm chhungin Pathian awmpuina ataka a tawng chu ropui a tih thu a sawi a. Khawzawla a awm chhungin MLA leh MP Inthlan felfai tak an neih theih bakah Khawzawlin Election kaihhnawihah record tam tak an siam chu lawmawm a tih thu a sawi. Kum 1 leh thla 2 an thawh  ho chhungin thinkhei zawnga lo tawng a neih chuan ngaih thiam a ngaih thu sawiin DC chuan amah rawn thlak tu tur chu mifel leh Mizo pa dik tak nia a hriat thu leh chhungkua thleng a mifel tak an ni tih a hriat avangin a ngaih a ngam bakah a lawm hle tih a sawi. Khawzawl mipuite a awm chhunga a chunga an thatnaah lawmthu a sawi a.

Pi F. Vanlalruati chuan Khawzawl DC Office Welfare Association aiawhin ngaihhruina thilpek a hlan bakah MCSA Sub. Headquarters Khawzawl aiawhin Pu Timothy R. Lalhmangaiha, EO leh DRDO Office, Khawzawl aiawhin Pi V. Lalmuanpuii, PD ten thilpek an hlan bawk a ni.

He hunah hian Pi V. Lalmuanpuii, PD, DRDO thlahna hun pawh hman nghal niin Pu Elijah LH Sanga, SDC chuan MCSA Sub. Headquarters, Khawzawl hmingin ngaihruina thilpek a hlan bawk a ni.