PROHIBITORY ORDER

Mizoramah khaw thenkhatah African Swine Fever (ASF) ni a rinhlelh theih turin vawk tamtak an thi tih hriat a ni a. Chuvangin, African Swine Fever (ASF) laka Khawzawl District kan him zel theih nan khapna thupek chhuah tulin ka hria a.

Tin, district pakhat atangin district dangah vawk hi phurh kual/lak ngaih chang a awm lo thei lova, Mizoram sawrkar thuchhuah No.D. 12016l2ll2O19-AH&V dt.14.0I.2021 in a tarlan angin, district pakhat atanga district danga vawk lak chu phal ani a, amaherawhchu, hei hi fimkhur taka kalpui a tul a.

Chuvangin, kei, ZOTHANMAWIA, DISTRICT MAGISTRATE, KHAWZAWL DISTRICT, KHAWZAWL chuan Sec 144 CrPC, 1973 (2 of 1974) in thuneihna min pek angin a hnuaia khapna thupek hi Khawzawl District mipui ten an zawrn turin ka chhuah e:

1) District dang atanga Khawzawl district chhunga ran/vawk phur tur reng reng chuan an vawk phurh turte chu State chhunga mi ngei a nih finfiahna Village/Local Council lehkha bakah, Veterinary Health Certificate, Veterinary Officer hnen atangin a nei ngei tur a ni.

2) Vawk damlo an awmin District Veterinary Hospital-ah report vat tur a ni.

3) Vawk talhturte'n Vawk hrisel tha chauh an talhin an zuar tur a ni.

4) Vawk vulhtu/neitute'n Vawk damlo an hralh tur a ni lo.

5) Vawk thi reng reng uluk taka phum tur a ni.

He thupek zawm lo te chu thu buai siamsak an ni ang a, IPC Sec. 188 hmangin hrem theih an ni ang.

He thupek hian chhuah a nih atanga thla hnih (2) chhung a huam ang.

He thupek hi District Magistrate Seal a nemnghetin vawiin Ni 7 April, 2021 hian hming ka ziah hnan e.

Sd/- ZOTHANMAWIA

District Magistrate,

Khawzawt District, Khawzawl