O R D E R

          Mizoram Sawrkar, Disaster Management & Rehabilitation Department order No.B.13021/101/2020-DMR/Vol-III dated 19.04.2021 bawhzuina atan leh, Khawzawl district mipuite Covid-19 hrileng laka kan him theihna turin a hnuaia kaihhruaina tarlante hi Khawzawl District headquarters chhungah zawm ngei ngei tur a ni. 

  1. Mipui vantlang tana inkhuahkhirhna hriat turte:

 

  1. Phalna nei lovin tumahin mahni in/compound an chhuahsan tur a ni lo.
  2. A chunga order tarlanin Clause A.5, B.2, B.5 (2, 3 & 11) leh B.6 hnuaia a phalsakte bak lirthei hmanga veivah khap tlat a ni. 
  3. Pawn chhuak tur reng reng chuan face mask leh hmanraw dang hmangin hmai an tuam ngei ngei tur a ni. 
  4. Vantlang hmuna kal te chu feet 6 tala inhlata awm tur a ni. 
  5. Village Level Task Force (VLTF) ten an huamchhunga dawr hawn an remtihsak te bak chu dawr hawn phal a ni lo. Phalna neia dawr hawnte pawh tlai dar 5:00 ah khar vek tur a ni. 

 

  1. Bazar leh chawhmeh zawrhna chungchang:

          Hmunkhata mipui pungkhawm tur venna'n bazar-a thlai leh thildang zawrh chu khap a ni. Chutihrualin, mipui mimirin awlsam taka thlai leh chawhmeh an hmuh theih nan veng hrang hrangah leh hmun tam zawk ah chawhmeh lei theihna tur VLTF ten ruahmanna an siam ang.

  1.  Zirna in, Sakhaw Biakna hmun leh mipui punkhawmna hmunte: 

 

  1. Mizoram sawrkar order-ah Public park, picnic spot, movie theatre, gym, community hall, restaurant, shopping complex, mall leh intawllenna hmun zawng zawng chu khar tur a ni. Mualvawm Park leh Khawzawl Town area-a intawllenna hmun dangte chu tlawh phal a ni lo. 
  2. Zirna In leh Sakhaw biakna hmun te chu khar vek tur a ni.
  3. Chhiatni/thatni ah mi 30 (sawmthum) aia tam punkhawm phal a ni lo a, heng punkhawmnaah hian ei leh in sem/siam phal a ni lo.
  4. Mipui punkhawmna heng – birthday leh anniversary lawmna, games & sports, book release, lungphun leh intihhlimna ang chi reng reng te chu huaihawt phal a ni lo. Hall chhung leh pawna badminton leh infiamna dang khelhho te pawh phal loh a ni.

          Heng khuahkhirhnate hian April ni 26, 2021 zing dar 4:00 thleng a huam ang. 

  Heng khuahkhirhnate hi khauh taka kengkawh turin veng tina VLTF te bakah Zone hrang hranga Covid-19 Executive Duty Team te hriattir an ni. 

                                            

 

 

                                                                                                                  Sd/- ZOTHANMAWIA

Deputy Commissioner

&

Chairman

District Level Task Force on Covid-19

Khawzawl District, Khawzawl