Khawzawl, the 17th August, 2021:

Vawiin khan Pu C.C. Lalchhuangkima, District Magistrate, Khawzawl District chuan Section 144 CrPC (2 of 1974) in thuneihna a pek angin African Swine Fever chungchanga Khawzawl District mipuite zawm tur thupek a chhuah:

1. Khawzawl District chhungah District pawn khawi hmun atang mahin vawk, vawksa rep leh vawksa atanga thil siam reng reng lakluh phal a ni lo. Tin, Khawzawl District chhungah pawh khaw pakhat atangin khaw dangah vawk lakluh phal a ni lo.

2. Khawzawl District chhungah, African Swine Fever (ASF) case la tamna Chawngtlai khua tiam lovin, vawk hrisel tha ni a hriat te chu Animal Husbandry & Veterinary Department leh Village Council te hriatpuina chauhin talh theih a ni ang. Vawk talh dan tur ruahmanna kimchang District AH & Vety Officer in a siam chu vawk talh turten zawm vek tur a ni. 

3. Vawk thi a awm chuan hmun danga phur kual lovin mahni compound-ah tha takin (6ft a thukah) chinai nen phum tur a ni.

4. Vawk thi phumna tur hmun nei lote chu a veng neitu VC ten a phumna tur an ngaihtuah ang a, AH & Vety Department enpuina hnuaiah tha taka phum tur a ni.