Quick Response Team, DDMA Khawzawl leh Adventure Club, Govt. Khawzawl College te tangkawp in a an buatsaih "One Day Training Course on Rappeling & Adventure Equipment Demonstration" chu vawiin ni 16.03.2023 (1:00 PM) hian  chuan Govt. Khawzawl College ah neih a ni a. Pu Obed Lalmalsawma, SDC, chuan he hun hi telpui a, Adventure Club chu awmze nei leh mumal zawk a kalpui turin thil hriat tulte a sawipui a, fuihna thu a sawi bawk a ni. Training Programme hi Pu PC Lalrindika, Asst Prof & Covener, Adventure Club in a kaihruai a, Pu Lalramnghinglova, Asst Prof. & Adventure Club Secretary in report tawi a pe a. QRT, DDMA atanga lokal ten training an pe nghal a. Pu PC Lalvenpuia, Adventure Club Member in lawmthu a sawi bawk a ni. Tin, programme banah Practical Session chu College campus ah neih chhunzawm nghal a ni. Adventure Club, Govt. Khawzawl College hi 2015 ah din a ni a, March 2021 ah SYS Dept hnuaia Adventure Wing ah Adventure Club ni turin registration an ti a, tun dinhmun ah hian member 15 vel an awm a ni.