Khawzawl 25th. January, 2023 : National Voters' Day, 2023 chu Khawzawlah pawh vawiin chawhnu dar 2:00 khan DC Conference Hall-ah hmangin District Bawrhsap, District Election Officer ni bawk Pu CC. Lalchhuangkima chu khuallian a ni a. Khuallian hian Vote nei thar mi 10 hnenah EPIC Card a hlan bakah BLO thawk tha zual thlan chhuah mi 7 hnenah Best BLO Award a hlan bawk.

He hunah hian District Bawrhsap Pu C.C. Lalchhuangkima chuan thu sawiin India ramah hian kum 1951-ah Voters Vbc.17 an awm laiin kum 2019-ah kha chuan Voters 91 an awm tawh a. Kum 2019 inthlanpuiah khan Vote thlak 67% an awm laiin Voters Vbc.17 deuh thaw in Vote an thlak lo tih a sawi. Kumin November thlaah MLA inthlanpui neih a nih tur thu leh nakumah M.P. thlanna neih a ni leh dawn tih sawiin inthlanna neih turah te Voting Percentage a tam theihna tura Awareness neihna turin Voters' Day pawh hi ruahman a ni a ti a. Vote tla a tam theihna turin BLO te pawh mahni vengah tanla turin a fuih a. Age Group a thenin thalaite zingah Vote tla a tlem deuh thin thu sawiin Vote nei thar te chu an pawimawhna hrechiang a, Vote thlak ngei turin a chah a ni.

Vawiin Programme-ah hian SDC Pu Obed Lalmalsawma hovin Pledge neih a nih bakah ECI Song te ngaihthlak a ni bawk.