Khawzawl, the 31st May, 2022: Khawzawl District Disaster Management Authority (DDMA) chu vawiin chawhnu dar 2:00 khan DC’s Conference Hall, Khawzawl ah an Chairman Bawrhsap Pu C.C. Lalchhuangkima kaihhruaina in an thukhawm a, Khawzawl ah lirnghing lo thlen thulh a chetlak dan tur in zirtira leh lemchanna (Mock Drill) neih dan tur an rel a ni.

He hunah Pu C.C. Lalchhuangkima, Deputy Commissioner chuan lirnghing chu engtik hunah pawh thleng thei reng a nih avangin mitin kan inpeih a tul thu a sawi a. Khawzawl District chu lirnghing atan a inbuatsaihna lemchan (Mock Drill) an neih vawi khatna tur a nih angin theih tawp chhuah a tul thu a sawi bawk. 

Thutkhawmah hian Mock Drill neih dan turte, leh district dangten an kalpui tawh dan uluk taka sawiho a ni a. Fel fai zawk a ruahhmanna lo siam turin DC Office chu mawhphurhna pek niin, remchang hmasa ber ah DC Office ruahhmanna siamte chu thlirho tura thutkhawm leh rel a ni