Ni 30.09.2024 chawhma khan Swachhata Hi Seva, 2024 leh Mizoram Cleanliness Week pualin veng leh sikul hrang hrang te intihsiakna atan faina beihpui hman a ni a, endiktuten hmun hrang hrang te chu endikin Khawzawl khawchhung an fang kual.
Endiktute hi team 3-ah an inthen hrang a, team A hi DUDO hovin primary school leh middle school chin an endik a. Team B hi SDC hovin high school, higher secondary school leh college chin an endik a, team C hi PHE Office hovin veng hrang hrang an endik thung a ni. Endiknaah hian a hmun fai leh fai loh mai bakah bawlhhlawh an thliar dan te, toilet fai dan te leh faina chungchanga inhrilhhriatna an neih dan te an endik tel a ni. October ni 2 hian intihsiakna result puan a ni ang, lawmman sem a ni nghal bawk ang.
He intihsiakna bakah hian Khawzawl khawchhunga pisa hrang hrang ten faina beihpui mahni remchan danin an lo nei tawh a, black spot tihfai kalpui a ni tawh bawk a ni
