Ni 17.10.2024 chawhma dar 11:00 a.m khan DC Meeting Hall-ah Bana Kaih (Handholding) Policy hnuaia thlai thar hralh (marketing) chungchangah Sensitization-cum-Consultative Meetin neih a ni. Khawzawl Deputy Commissioner, Pu K. Vanlalthiana chu chairman niin hun a kaihruai a, Mizoram Agricultural Marketing Board (MAMB) member te lo kalin hun an rawn hmang a ni.
He hunah hian MAMB Member, Pu Lalhmingmuana chuan PowerPoint presentation hmangin thlai thar hralh dan tur kaihhruaina a sawi zau a, thlai chingtute atanga a leitute a thlen dan tur te, collection centre atanga hralh dan tur te, District Agricultural Marketing Committee (DAMC) mawhphurhna hrang hrang te, hmun hrang hranga thil lei tul te, inzirtirna leh inhrilhhriatna neih tur te leh thil tul dang te a sawi a ni. Presentation zawh hian zawhna leh chhanna hun hman a ni a, thutkhawmnaa lo tel office hotu hrang hrang te'n an vei zawng te sawiin an hriat duh zawng te an zawt a ni. Chairman Pu K. Vanlalthiana chuan thutkhawmnaa lo kal te leh MAMB atanga hun hmang tute chungah lawmthu a sawi a, mawhphurhna neih hi thil lawmawm a ni tih sawiin district ti tha ber an nih theih nan tangruala thawk ho zel turin a sawm a ni.
He hunah hian Khawzawla office hrang hrang hotute leh MAMB member te an tel a ni
