Khawzawl, dated 17th September, 2025: Vawiin chawhma dar 10 khan Urban Development & Poverty Alleviation Department leh PHED Khawzawl hmalakna hnuaiah Swachhata Hi Seva 2025 khuhhawnna (Kick Off) chu DC Auditorium Khawzawlah neih a ni a, Khawzawl Bawrhsap Pu K. Vanlalthiana’n a kaihruai.
Bawrhsap Pu K. Vanlalthiana chuan Khawzawl District chu faina kawng a hma kan sawn zel thu sawiin, he hmalakna hi kum dangah pawh lo kalpui tawh a ni a, hlawkthlak a tih hle thu a sawi. Swachhata Hi Seva 2025 hi Khawzawl District mipuite pawhin faina kawnga hmalakna a nih angin, a tum ber India khua leh tuiten faina leh thianghlimna tha zawk nei tura hmasawnna kan neih nana hmalakna a nih thu a sawi a. Heng bakah hian hman khat daih Plastic thatlohzia tarlangin, a theih chen chena hmang lo turin kalkhawmte a chah a, Swachhata Hi Seva 2025 khuhhawnna a nei nghal a ni.
Tin, he hunah hian Mizoram Cleanliness Competition 2025 leh Swachhata Hi Seva 2025 hmandan tur chungchang pawh rel ho a ni a. Mizoram Cleanliness Competition 2025 atan hian Veng, Sorkar Office, Restaurent leh School fai intihsiakna buatsaih tur niin, heng bakah hian September ni 25, zing dar 7 atanga tanin Khawzawl khaw chhung veng hrang hrangah VC te kaihhruainain a rualin hnatlang neih bawk tur a ni.
He hunah hian Sanitation Task Force memberte leh Khawzawl khaw chhung Village Council aiawhte kim takin an tel a ni
