Khawzawl, the 23rd September, 2022: Ni 23.9.2022 zing khan District Election Office, Khawzawl buatsaihin Khawzawlah Systematic Voters’ Education and Electoral Participation (SVEEP) Mini-Marathon neih a ni. 

 

Intlansiak hi Pu James Lalnithanga,  Election Officer chuan hawngin a vailiam a, Pu Lalthakima Chhangte, BDO/AERO ni bawk chuan kalkhawmte chu vote nei tura inziahluh leh vote thlak ngaipawimawh theuh turin a chah a.

 

SVEEP Mini-Marathon ah hian mi 56 an tel a. Mipaah Jimmy Zoramnundanga, Zuchhip Veng chu pakhatna niin certificate leh pawisa fai Rs. 5,000 a dawng a. Pahnihna Isak Malsawmtluanga, Hermon in certificate leh pawisa fai Rs. 3,000 dawngin, pathumna Lalawmpuia Hnamte, Lungvar Veng in certificate leh pawisa fai Rs. 2,000 a dawng a ni. Hmeichhiaah Lalduhawmi, Zaingen Veng chu pakhatna niin certificate leh pawisafai Rs. 5,000 a dawng a. Pahnihna Lallawmtluangi, Khawzawl Vengthar in certificate leh pawisafai Rs. 3,000 dawngin, pathumna Lalsangkimi, Electric Veng in certificate leh pawisafai Rs. 2,000 a dawng bawk a ni.