Dated Khawzawl, 11th February, 2026: Vawiin chawhnu dar 11 khan DC Conference Hall-ah Mizoram State Day vawi 40-na puala State Day of Prayer hman dan tur relin State Day of Prayer Committee an thukhawm a, Pu Timothy R. Lalhmangaiha, Election Officer, Deputy Commissioner's Office, Khawzawl District chu chairman niin hun a kaihruai a ni.
Chairman chuan State Day of Prayer 2026 hman dan tur chungchang ngaihtuah tura meeting hi koh a nih thu kalkhawmte hriattirin, State Day of Prayer hi Mizoramah 2024 atang khan hman tan a ni a, kumin pawh hian tluang tak leh hlawkthlak taka hman leh ngei a nih theih a beisei thu a sawi a, Pu Lalkunga, Member, State Day of Prayer Committee (SDP) chu a sawm a, ani hnen atang hian State Day of Prayer 2026 chungchang sawizauna leh report-te ngaihthlak a ni bawk.
State Day of Prayer, 2026, Khawzawl District atan Organising Committee din niin, hma thei ang bera thukhawm tura beisei an ni a. State Day of Prayer, 2026 hmanna hmun leh hun turte, programme kimchang leh a tul dangte ruahmanna lo siam tura tih an ni. A hnuaia mi ang hian Organising Committee chu din a ni.
Chairman : Pastor Laltleipuia Hmar, i/c FBC, Khawzawl Pastor Bial
Secretary : Upa Rohmingliana Colney, Secretary, District MUP
Members:
1. Rev. David Saithuama Pachuau, i/c PCI, Khawzawl Venglai Pastor Bial
2. Rev. R. Lalrinmawia, i/c PCI, Khawzawl Dinthar Pastor Bial
3. Rev. R. Lalthlengliana, i/c PCI, Khawzawl Vengthar Pastor Bial
4. Rev. Lalhruaia Chenkual, i/c BCM, Khawzawl Pastor Bial
5. Rev. HC. Jacobа, i/c UPC (Mz), Khawzawl Vengpui Bial
6. Pastor Zionramngaia, i/c UPC (Mz), Khawzawl Vengthar Bial
7. Rev. K. Vanlalhlimpuia, i/c UPC (NE), Khawzawl Pastor Bial
8. Evan. Lalremruata Sailo, i/c Seventh Day Adventist
9. Father John Pau Khaw Chin, Parish Priest
10. Representative from Sub-Hqrs YMA
11. Representative from Sub-Hqrs MHIP
12. Representative from District MUP
He thutkhawmah hian kohhran hrang hrang aiawhte, Pastor leh NGO hrang hrang aiawhte kim takin an tel a ni.
Attachment
