Khawzawl, 13th February 2023: Nimin chawhnu khan Mizoram State Day vawi 38-na puala ‘State Day of Prayer’ Khawzawl District-a hman dan tur chu DC Meeting Hall-ah rel ho a ni a. He hunah hian State Day of Prayer Committee aiawhte bakah Khawzawl khawpui chhunga kohhran, tlawmngai pawl leh khawtlang hruaitute an tel tha hle a ni.
Meeting hi Pu Lalfakzuala, Khawzawl DC chuan kaihhruaiin State Day Of Prayer hman dan tur sawiho tura kalkhawmte chu lawmthu a hrilh a. State Day of Prayer Aizawla hman dan tur chu hrilhfiahin, Khawzawlah pawh hman ve thaa a hriat thu a sawi.
He hunah hian State Day lo pianchhuah dan leh tawngtai rualna hun hman dan tur a ruahmanna awm te chu Upa Dr PC Biaksiama, Gen.Secretary SDP Committee chuan report a pe a. Khawzawl a State Day of Prayer hman dan tur sawi zui a nih hnu in State Day of Prayer chu February ni 20, 2024, chawhma dar 11:00 ah Khawzawl Mualvawm Ground-ah hman ni se tia rel a ni.
State Day of Prayer Khawzawla hman dan tur kimchang duang turin vawiin thutkhawm hian Working Committee a din a, anni hian programme hman dan tur kimchang an lo duang ang.
State Day of Prayer chungchang sawihona ah hian State Day Of Prayer Committee atangin Upa Dr PC Biaksiama, Gen.Secretary te leh Upa Lianzuala, Secretary te an lo tel thei a ni.