Dated Khawzawl, the 16th February, 2021:

Vawiin chawhnu dar 2:00 khan Pu Zothanmawia, Deputy Commissioner, Khawzawl District kaihhruaiin DC’s Conference Hall, Khawzawlah State Day lawm dan tur ngaihtuahin thutkhawm a ni. 

Vawiina meeting-ah hian DC office-a officer te bakah Head of Office te, VC, YMA, MHIP leh MUP aiawhte an tel a. State putlinga Mizoram hlankai a nih champha (20.02.2021) lawmna programme chu Zaingen YMA Hall-ah chawhma dar 10:00 a neih tura rel niin, Deputy Commissioner chu Chief Guest tura lungrual taka pawm a ni.

State Day hi sawrkar ni pawimawh a nih angin Khawzawl-a sawrkar office hrang hrang hotu (Head of Office) te chu kal ngei tura beisei an ni a. Anni bakah hian Khawzawl Joint VC, YMA Sub-Headquarters, District MUP, District MHIP leh Political Party hrang hrang aiawhte sawm tura rel a ni. Tin, National Anthem rem te, State Day pawimawhna te sawichhuah a nih theih nan ruahmanna siam a ni bawk.


Written by H. Lalramenga, SDC, Khawzawl District