Khawzawl, the 4^th March, 2021: 

Nimin chawhnu dar 2:00 khan Pu Zothanmawia, Deputy Commissioner, Khawzawl District Sanitation Task Force Chairman ni bawk kaihhruaiin DC Conference Hall-ah Khawzawl District Solid Waste Mangement Bye Laws, 2020 inzirtirna hun hman a ni. 

Pu Zothanmawia chuan District Solid Waste Management Bye Laws tha tak peihfel a ni ta chu lawmawm a tih thu a sawi a, tangkai taka hman a nih ngei theih nan uluk taka chhiar a, zirchiang turin kalkhawmte a sawm bawk. 

Pu James Lalnithanga, DUDO, Khawzawlin Bye Laws sawihawnna neiin, siam chhoh a nih dan tlangpui a tarlang a. Pu K. Lalramnghaka, SDS, UD&PA Dept., Khawzawlin Powerpoint presentation hmangin chipchiar zawka Bye Laws zirtirna a pe a ni. Training zawhah hian kalkhawmten sawihona hun hlawkthlak tak an hmang zui nghal bawk. 

Vawiina training-ah hian Khawzawl District chhunga notified town pathum – Khawzawl, Khawhai leh Biate – atangin Village Council aiawh mi pahnih theuh an tel a ni.