Khawzawl, 24th July 2023: Vawiin khan Khawzawl DC Conference Hall-ah Mizoram Legislative Assembly General Election 2023 inthlan lo awm tura Sector Officer leh Sector Police Officer mi 10 ten Training an nei.
Training hi Khawzawl Additional DC, Deputy District Election Officer ni bawk Pu Lalfakzuala chuan a kaihruai a. Pu Lalthakima Chhangte, State Level Master Trainer chuan Sector Officer te chu zirtirna pein, inthlan hma ( pre-poll), inthlan ni ( poll day) leh inthlan zawh ( post-poll) a an mawhphurhna hrang hrang te sawifiahna hun a hmang a. Inthlan neihna tura thil pawimawh zual ‘Assured Minimum Facilties’ enfiah dan te, Vulnerabilty Mapping neih dan tur bakah Electronic Voting Machine (EVM) hman dan inzirtirna ‘EVM Hands-on’ te he hunah hian neih a ni a; kalkhawmte hian an hriatthiam loh laite, harsatna la awm palh thei thilte leh chung a lo thlen palh pawha chin fel thuai a nih theih dan tur te zawtin an sawiho a ni.
Khawzawl District Administration huamchhungah hian Assembly Constituency pakhat - 22 Tuichang (ST) a awm a. Tuichang bial hi Sector 5 ah then niin, polling station 28 a awm mek a ni.
