Khawzawl, dated 13th November 2025: Sardar Vallabhbhai Patel piancham kum 150-na puala duan, Sardar@150 Unity March chu Khawzawlah huaihawt a ni dawn a, vawiin khan hman dan tur Khawzawl Bawrhsap Pu K. Vanlalthiana hovin rel a ni.

He kawngzawh hi November ni 21 a neih tum a ni a, Zuchhip Field No.1 atanga tanin Mualvawm Field-ah tawp tur a ni a, a kar lakah Taidawnkawnah hun hman a ni bawk ang. He hunah hian sikul naupang Khawzawl sikul hrang hrang atangin an tel ang a, a tel duh apiang tan tel theih a ni dawn a ni. He kawngzawhah hian Sardar Vallabhbhai Patel-a India ramin zalenna a chan hnua a suihkhawm dan thu leh inlungrual taka mi zawng zawng an awmho a, inthliarhranna rilru nei lova awmho tura a duh thu tarlan a ni ang. Hemi rual hian cleanliness drive neih pah a ni dawn a, kalkawng leh a chhehvel tihfai nghal a ni bawk ang.