Dated Khawzawl, the 14th October, 2020

          Tukin khan Pu Zothanmawia, Deputy Commissioner hovin Khawzawl Road Protection Squad chuan ke in Khawzawl khawchhung kawngpui an fang a, kawngpui nekchep zawnga hmalakna awmte an endik.

Kawngpui endik hi zing dar 6:30 ah DC chenna in, Darngawn veng atanga tanin, Zaingen, Zuchhip, Dinthar leh Vengthar te an endik a. Road Protection Squad convener Pu James Lalnithanga, SDO(Sadar) leh member dangten DC hi zuiin, an area chinah theuh Village Council leh YMA hruaituten kawngpui endik hi an lo tawiawm bawk a ni. 

Road Protection Squad hian vantlang leh kawngpui tana hnawk leh kawngpui tihmelhem zawnga chet lakna awm te, kawngpui tichep zawnga hnawmhnawk siam hrang hrangte an endik a. Ngaimawhawm chin mi engemawzat hnenah senghawi tur leh chhunzawm lo turin a hmunah hrilh nghal niin, Road Protection Squad hminga lehkha pek zel an ni bawk. 

Khawzawl khawchhung kawngpui endik thawkhatna hi July ni 25, 2020 khan Hermon, Electric leh Vengtharah neih a lo ni tawh a. Khawpui chhung kawng pawimawh zual chin chu hun rei lote chhungin endik vek tum a ni a, a tul leh remchan dan ang zelin hmalak chhunzawm zel a ni ang.


Written by H. Lalramenga, SDC, Khawzawl District