Khawzawl, the 26th January, 2021:

Vawiin khan ram chhung hmun dangte rualin Khawzawl-ah India Republic Day vawi - 72 na lawm a ni a, Pu Zothanmawia, Deputy Commissioner, Khawzawl District chu khuallian niin hnam puanzar a pawtparh a, 2nd IR Battalion ten hnam puanzar chibai an buk chu a chhanglet a ni.

 

Republic Day-ah hian zing ni chhuah rualin Khawzawl District chhunga sawrkar Pisa hrang hrangah India Hnam Puanzar zar a ni a. A lawmna pui ber hi DC Bungalow kawt zawlah zing dar 8:00 ah neih tan a ni. Khuallian Pu Zothanmawia chuan Khawzawl District mipuite chu Republic Day chibai bukin, India ramin zalenna a neih theih nana nasa taka lo beitute Mahatma Gandhi leh midangte hre rengin zahna chibai a buk bawk a. Zalenna hmang tha a, khua leh tui te chanvo leh mawhphurhna te hre reng a, tan la thar sauh sauh turin Khawzawl District mipuite a sawm bawk a ni. 

 

Khawzawl DC chuan Republic Day thuchah sawiin kum khat leh a chanve chhunga Khawzawl District hmasawnna leh hnathawh pawimawh zualte a tarlang a ni: 

 

Land Revenue & Settlement Department hnuaiah Settlement Office te, District Education Office leh District Project Coordinator Office te chu nikum chhungin hawn a ni a. Tin, Planning Department hnuaia District Research Office pawh hawn thuai tura inbuatsaih mek a ni bawk. 

 

Nikum chhung vekin Sub-Divisional Agrculture Office chu District Agriculture Office ah hlankai a ni a. Primary Health Centre pawh District Hospital ah hlankai niin, Veterinary Dispensary pawh District Veterinary Hospital-ah hlankai a ni bawk. Hemi bakah hian kumin January ni 13 khan Divisional Horticulture Office thin chu District Horticulture Office ah Chief Minister, Mizoram in a hawng a ni

Pu Zothanmawia chuan nikum September 20 ah District Hospital ah TrueNat Laboratory hawn a ni a, Khawzawl District chhunga BPL Free Village khaw panga - Chawngtlai, Riangtlei, Pamchung, Tlagmawi, Rabung ten hna an thawk mek tih a sawi a. Khawzawl Police Station chu nikum July ni 16 khan Ministry of Home Affairs, New Delhi chuan Best Police Station ah a puang a; a lawmawm hle a ni a ti.

DC office a hmasawnna pawimawh tak tak zingah Biometric Enrollment, Video Conference, e-District, DC office website leh Tuisenphaia Checkgate te chu District mipui leh sawrkar hnathawkten tangkai takin an hmang mek tih a tarlang a. DUDO office kaltlangin Notified Town pathum – Khawzawl, Biate leh Khawhai ah bawlhhlawh paihna hmun, Solid Waste Management Centre, kum 20 daih tur nei turin hmalak mek a ni a. Hnawm paih motor (Garbage Truck) pawh UD&PA Department atangin nikum December ni 23 khan dawn niin a tangkai hle a ni a ti.

Pu Zothanmawia chuan Department hrang hrang hnuaia hmasawnna hna thawh mekte tarlang zuiin, Khawzawl District kumkhat leh a chanve chauh a la ni chunga hmasawnna duhawm tak tak sawi a awm chungchangah sawrkar chungah lawmthu a sawi a. Khawzawl District ah Covid-19 hri vei mi 23 hmuh tawh an ni a, tun thlengin khawtual-a inkaichhawn (local transmission) case la awm lo chu lawmawm a ti a. A tir atang tha thlah lova he hripui dona kawnga hnathawk tha em em Doctor te leh Health Workers te, VLTF te, Police Force te, Sorkar hnathawk te, DLTF, Zonal Officers te chungah leh, Quarantine Centre leh Covid Care Centre atana sawrkar building hmantirtu Department te chungah lawmthu a sawi a ni.  Mipui tawiawmna leh thuawihna zarah Covid-19 in nunphung tibuai lutuk lova tun hun thlen a ni chu Khawzawl District vanneihna a ni a ti bawk. Khawzawl District-ah Covid-19 vaccine pekchhuah a ni chu a lawmawm a, inthlahdah phah nan hmang lova, hmaikawr vuah, kut silfai leh midang hnaih lova awm leh sorkarin kan zawm tura hriattirna a chhuahte thuawih taka zawm zel turin mipuite a chah bawk a ni.

 

Vawiin Republic Day lawmna-ah hian Faina Hapta 2020 puala faina intihsiakna lawmman semchhuah nghal niin category hrang hranga lawmman dawngtute chu a hnuaia tarlan ang hi a ni:

 

Khawzawl Town chhunga veng fai:

1. Zuchhip 

2. Dinthar 

3. Hermon 

 

Zirna in hrang hrang:

1. Govt’ Middle School II, Vengthar

2. Govt’ Primary School IV, Hermon

3. New Comprehensive School, Darngawn

 

Office/Sawrkar Pisa:

1. KVK Khawzawl

2. Khawzawl Police Station

3. Agriculture Office

 

Hospital & Sub-Centre:

1. District Hospital Khawzawl

2. Darngawn Sub-Center

3. Vengthar Sub-Center

 

Hotel/Rest House/IB:

1. DC Rest House

2. Horticulture Staff Lodge

3. Forest Rest House

 

Restaurant/Tea Stall:

1. Zonun Hotel, Vengthar

2. Hahdamna Hotel, Vengthar

3. Chawlhna Hotel, Vengthar

 

Bazar: 

1. Taidawnkawn Bazar

2. Vengthar Bazar

 

Faina chungchang Drawing Competition:

1. Zarzokima,  Class-8 Roll No 13 PES Khawzawl

2. Lalthlamuanpuii, PES Vengthar, Khawzawl, Class-5 Roll No-1

3. Fergie Hlimpuii, Class-8, R/No 29, PES Khawzawl

Consolation Prize:

K Malsawmzela, Class-3, Khawzawl Zaingen.

K Vanlalpeksanga, C;lass-6, Khawzawl Zaingen


Written by H. Lalramenga, SDC, Khawzawl District