Khawzawl, the 15th April, 2021
Vawiin chawhma dar 10:00 khan Pu Zothanmawia, Deputy Commissioner, Khawzawl District kaihhruaiin DC Conference Hall, Khawzawlah PMGSY kawng laih leh kuhva phurh chungchang ngaihtuahin meeting pawimawh tak neih a ni.
Meeting ah hian District chhung khaw hrang hranga PMGSY hnuaia kawng laih mek te dinhmun thlirho a ni a. Tuna PMGSY project hi March 31, 2022 ah a tawp tawh dawn avangin chak zawka hmalak a nih theih nan hmalak dan tur sawiho nghal a ni.
Meeting-ah hian dan phal loha rampawn atanga kuhvarah leh bungraw dang, District kaltlanga phurh thin chuan kawng laih mek a tibuaiin a timuang a, kawng laih sa a tihchhiat bakah Covid-19 hrileng pawh a darh phah thei tih tarlan a ni a. Khawzawl District chhung khaw hrang hrangte pawhin an khaw paltlanga kuhvarah phur kal thin chu an duh loh thu tarlan a ni bawk. Tihtawp a nih theih nan lungrual leh thahnemngai taka thawhho nise ti a rel a ni.
Vawiina meeting ah hian DC office a officer te bakah Superintendent of Police, Deputy Commandant, 2nd IR Battalion, EE, PWD, DLAO, Champhai, Sub-Headquarters YMA hruaitute leh kuhvarah phurin a paltlang khua a VC te an tel a ni.
Written by H. Lalramenga, SDC, Khawzawl District
 |  |
 |  |
 |  |
