Khawzawl, 31st January 2023: Vawiin khan Khawzawl Bawrhsap pisaah Khawzawl District Narco Coordination Center (Ncord) chu Khawzawl Bawrhsap Pu K. Lalrohlua kaihhruaiin an thukhawm.

Vawiin thutkhawmah hian Khawzawl Superintendent of Police (SP) Pu Lalchhuanthanga chuan report a pe a, Khawzawl District NCORD hi kum 2023 khan thla 12 chhungin tum 11 thutkhawm neih a ni tih a tarlang a, Mizoram Inthlanpui avangin tum khat neih theih a ni lo thung. NCORD thutkhawm vawi 11 zinga 8 chu portal-ah upload a nih thu leh tum 3 dang upload loh hi portal chian loh vang a ni tih tarlan a ni.

Vawiin thutkhawm hian February ni 15, 2024 hmain Tlangmawi khuaah CodNerc ten Ruihhlo chungchang inzirtirna ‘Awareness Campaign’ neih ni se tiin an rel a. Sikul naupang exam a hnaih chhoh avangin March thlaah hi chuan Awareness Campaign hi Kohhran Naupang Chawhnu inkhawmah neih ni se tiin rel a ni bawk.

Vawiin thutkhawmah hian Khawzawl SP leh DC te bakah District Education Officer (DEO), Health Department aiawh, tlawmngai pawl aiawh leh CodNerc aiawh te an tel a ni.