Ni 17.10.2024 chhun khan DC Meeting Hall-ah District Level Monitoring Committee (DLMC) on Mission Organic Value Chain Development for North East Region (MOVCD-NER) chu a vawi hnihna atan an thukhawm a, Khawzawl Deputy Commissioner leh Chairman ni bawk, Pu K. Vanlalthiana chuan he hun hi a kaihruai a ni.

He thutkhawmah hian Pu Simon Rosangliana, Asst. District Agriculture Officer chuan PowerPoint presentation hmangin he scheme MOVCD-NER hnuaia component hrang hrang te, FPO (Farmer Producer Organization) allocation kal pui dan te, hmalakna hrang hrang leh harsatna te, DLMC mawhphurhna hrang hrang - convergence te, IT portal endik te, kuthnathawk hnena training pek te, auditing te leh thil tul dang a sawi a, MOVCD-NER hnuaia hlawhtlinna lo hmuh tawh te a tarlang bawk a ni. Presentation pek lai hian sawihona nei pahin meeting chuan ngaihtuah zual ngai hrang hrang an rel ho a ni a, inkungkaihna leh thawhhona FPO leh sawrkar inkara a awm zel dan tur te an sawi ho. Chairman Pu K. Vanlalthiana chuan member thukhawm te hnenah lawmthu a sawi a, kuthnathawkte'n hlawhtlinna an hmuh ngei theih nan mahni tih tur theuh tha taka ti turin a sawm bawk a ni.

He hunah hian Pu Lalfakzuala, ADC; Pu Suvigya S. Chandra, IAS, SDO (Sadar); Agriculture leh Horticulture officer te leh FPO thenkhat aiawhte an tel a ni.