Khawzawl, 15th August 2023: India ramin zalenna a neih champha kum 75-na lawmna ‘Azadi Ka Amrit Mahotsav’ kharna leh tlipna puala ram pum huapa kalpui ‘Meri Maati Mera Desh’ chu Khawzawl District-ah pawh urhsun taka kalpui mek zel a ni a. Vawiin khan zalenna sualtu te puala siam lungphum ‘Shilaphalakam’ chu Khawzawl District Deputy Commissioner Pu K. Lalrohlua chuan a hawng.
Pu K. Lalrohlua chuan India ramin zalenna a neih champha kum 75-na puala lungphun siam a ni chu lawmawm a tih thu a sawi a. Zalenna sualtute chawimawia zahna lantir zel a pawimawh thu a sawi bawk.
He hun hi Khawzawl Additional DC Pu Lalfakzuala chuan a kaihruai a. Shilaphalakam ah hian Pu Ralzinga Lushai, Khawhai khua, kum 1965-a Indo-Pakistan war-a boral hming tarlan a ni.
