Khawzawl, the 29th November, 2022: Sawrkar hmalakna kaltlanga December ni 1, 2022 atanga AMC Area leh District Headquarters zawng zawnga eirawngbawlna gas mahni kawtkaia chah thlen theihna, LPG Online Refill Booking & Home Delivery kalpui tur bawhzuina kalzelah Khawzawl Town Area chhunga LPG Home Delivery kalpui dan tur chungchang relin vawiin chawhnu dar 1 khan District Bawrhsap, Pu C.C. Lalchhuangkima hovin DC Conference Hall-ah inrawnkhawmna neih a ni. 

Thukhawm chuan sawrkar thuchhuak bawhzuiin  December ni 1,2022 atangin Khawzawl Town Area chhungah LPG Home Delivery kalpui tha a  ti a; amaherawhchu vawi khata Khawzawl Town Area chhunga veng zawng zawngah kalpui nghal loin, Lungvar leh Arro Vengahte LPG Home Delivery chu kalpui phawt nise tih a ni a. Home Delivery charge atan hian Rs 70/- nise tih a ni. Khawzawl Town Area chhunga veng danga LPG Home Delivery kalpui dan tur chu kum thar January 2023 ah relho leh nise tih a ni.

He meeting-ah hian DCSO Pu C.C. Sakhawliana bakah Khawzawl Town Area chhunga VC hrang hrang te, NGO aiawhte, MCU aiawh leh Gas Agency neitute an tel a ni.