Ni 23.7.2024 khan Khawzawl DC Auditorium-ah Pu K Vanlalthiana,DC Khawzawl kaihhruainain Kum 2024 Independence Day chu Khawzawl a lawm dan tur rel a ni a, he hunah hian Khawzawl a Sawrkar Pisa hrang hrang a hotute an tel a ni.
Meeting in a rel angin kum 2024 Independence Day lawmna chu Mualvawm Field, Khawzawl ah zing Dar 10:00 ah neih tur a ni a. Khuallian atan Pu Lalnghinglova Hmar, Sports Minister, Govt of Mizoram sawm ni se tih a ni.
Kum danga lo tih thin angin, Armed Contingent 2nd IR Battalion te hnen atang leh Unarmed Contingent Zirna In a zirlaite hnen atangin beisei a ni a, hei bakah hian Bandh Party Contingent pakhat beisei a ni bawk. Student Contingent te hi kum dang ang bawkin inelna pakhat ang a neih ni se tih a ni a, inelna lawmman tur pawh thlir ho a ennawn leh a ni. Independence Day pual Football leh Volleyball Tournament buatsaih leh bawk ni se ti a rel a ni a, lawmman turte ennawn a rel fel nghal a ni.
