Khawzawl, the 4th March, 2021:
Vawiin chawhma dar 11:00 khan Pu Zothanmawia, Deputy Commissioner, Khawzawl District kaihhruaiin DC’s Conference Hall, Khawzawl ah Juvenile Justice Act, 2015 hnuaia naupang tanpui ngai leh venhim ngai te chungchang ngaihtuahin meeting neih a ni.
Juvenile Justice Act in naupang tanpui ngai leh venhim ngai a tihten Social Welfare scheme hrang hrang hnuaia an chanvo dawn tur te an dawn a, an chan ngei theih nan ngaihtuahna seng turin Pu Zothanmawia chuan member te a sawm a ni.
Meeting-ah hian Juvenile Justice Act hnuaia mipui hriattur pawimawh leh langsar zualte zau taka thehdarh nise tiin rel a ni a. Khawzawl District chhunga hetiang naupangte dinhmun database mumal tak siam a, an chanvo te an dawn ve ngei theih nan line department dangte nen thawhho nise tih a ni bawk.
Meeting-ah hian Pu James Lalnithanga, SDO(Sadar), Pu Lalringliana Pachuau, Additional SP, Pu Lalrinmuana, CDPO, Dr. Saithangpuia, BDO leh Pu H. Lalramenga, SDC te an tel a ni.
Written by H. Lalramenga, SDC, Khawzawl District
