Ni 24.09.2024 chawhnu dar 1:00 pm khan Multipurpose Hall, Govt. Khawzawl College-ah Intensified IEC Campaign - India Fights Against HIV/AIDS & STIs kal zel pualin Flash Mob Dance & Debate Competition neih a ni, he hun hi District Aids Prevention and Control Committee (DAPCC), Khawzawl District leh Red Ribbon Club & Drugs Free India Cell, Govt. Khawzawl College tangkawpin an buatsaih a ni.

He hunah hian Pu R. Lalthanliana, Associate Professor, Govt. Khawzawl College chu chairman niin hun a kaihruai a. Dr. Albert Lalhminghlua, Member Secretary, DAPCC chuan keynote address pein Mizoram leh Khawzawl District a HIV leh STI hrang hrang a hluar tawh em em a nih tih a sawi a, invenhimna kan inzirtir that hi thil pawimawh tak, mipuiin kan mamawh vek a ni tih a sawi bawk. Hemi zawhah hian Pi Lalruatmawii, Principal, Govt. Khawzawl College chuan intihsiakna hawnna hun a hmang a, Govt. Khawzawl College a hun an buatsaih hi lawmawm a tih thu a sawi a, intihsiaknaa tel tur te duhsakna a hlan bawk. Programme tawpah hian Dr. Lalnunpuii Renthlei, Medical Officer (Ayush) chuan lawmthu sawina hun a hmang bawk a ni.

Intihsiaknaa telte hi Govt. Khawzawl College zirlaite an ni a, Ni 25.09.2024 zingah Zaingen YMA Hall, Khawzawlah lawmman sem a ni dawn a ni.