Khawzawl, 26th January 2023: India ram Danpui hman tanna ni, Republic Day chu India ram hmundang te rualin Mizoramah pawh hmun hrang hrangah lawm a ni a. Khawzawl District-ah chuan Republic Day lawmna hi Mualvawm Ground, Khawzawlah tukin zing dar 9:30 khan neih a ni a. Khawzawl Bawrhsap Pu K. Lalrohlua chuan he hun hi khuallian niin a hmanpui a, hnam puanzar pawtpharhin parade contingent te chibai bukna a chhanglet a ni.

Khawzawl Bawrhsap Pu K. Lalrohlua chuan he hunah hian thusawiin Khawzawl District leh India ram puma Republic Day hmangtute chibai a buk a, India ramin danpui leh zalenna a neih theihnana beitute inpekna chu mitinte kan hriat thar a tul a ni, a ti. Khawzawl District chu kum 2019 khan District puitlingah hlankai a nih thu pawh sawiin, District in a ken tel hmasawnna ruhrel hmel duhawm tak tak a hmu zel chu ropui a tih thu leh hun lo kal zel turah pawh hmasawnna tam tak hmuh chhoh a beisei thu a sawi bawk.

Khuallian hian Leilung pian hnua a vawikhat nan Khawzawl District Administration hnuaiah MLA Inthlanpui 2023 chu tluang taka neih a nih thu a tarlang a. Kum 2023 MLA inthlanpuiah khan 22-Tuichang bialah vote za zela 84.49% tlain hei hi kum 2018 inthlanpuia vote tla (80.07%) aiin za zela panga dawn laiin vote tla a tam zawk a, vote tla zat pung hi thil chhinchhiahtlak tak nia a hriat thu khuallian hian a sawi a ni.

Khuallian hian Khawzawl District chhunga sawrkar Department te hmalakna hrang hrang te a tarlang a, hetiang hian thu a sawi.

Khawzawla Republic Day hmanna hunah hian Millionaire Farmer Award dawngtu Pu KB Sangkhuma, Rabung khua chu District Administration hmingin lawmpuina thilpek hlan a ni a. Hei bakah hian Parade Contingent te, Khawzawl khaw chhunga Veng Fai leh School Fai lawmman te hnenah lawmman sem chhuah a ni a. Chhanchhuahna Home, District Hospital leh Grace Camping Center te chu Republic Day pualin tanpuina pek an ni bawk.

Republic Day , 2024 Khawzawla lawmman dawngtute chu

Parade Contingent :

1st Prize : St. Joseph’s School

2nd Prize : Presbyterian English School, Khawzawl Vengthar Pastorate

3rd Prize: Far East Experimental School, Contingent - I

Participation Prize :

1. 2nd Indian Reserve Battalion

2. NCC, Govt Khawzawl College

3. NCC, Govt Khawzawl HSS

4. NCC, Govt Khawzawl HS

5. Student Police Cadet, Govt Khawzawl HS

District Urban Development Office (UD&PA Department) in Mizoram Cleanliness Competition, 2023 a inelna a buatsaiha lawmman dawngtute hnenah lawmman hlan a ni bawk a, chungte chu

Veng fai lawmman :

Pakhatna : Khawzawl Arro Veng

Pahnihna : Khawzawl Zuchhip Veng

Pathumna : Khawzawl Dinthar Veng

Office fai lawmman :

Pakhatna : Krishi Vigyan Kendra (KVK)

Pahnihna: Public Works Department (PWD), Khawzawl Division

Pathumna: Public Health Engineering ( PHE) Khawzawl WATSAN Division Office

School fai lawmman :

Pakhatna : Govt. Hermon Middle School

Pahnihna : Govt. Middle School - II, Khawzawl Vengthar

Pathumna : Govt Primary School - V, Khawzawl Lungvar; te an ni.

Mualvawm Ground-a hun hman zawh hian Khawzawl DC Bungalow-ah sawm bik te pualin Bawrhsap Pu K. Lalrohlua chuan At Home programme a buatsaih bawk a ni.