Khawzawl, dated 15th July 2025: Vawiin khan DC Auditorium-ah tun kum Independence Day lawm dan tur pisa hotute'n Khawzawl Bawrhsap Pu K. Vanlalthiana kaihhruaiin an rel ho.

He meeting-ah hian Independence Day lawmna hun leh hmun tur te, lawmnaa sawm bik tur te, mawhphurhna hrang hrang latu tur te, VIP at home hun hman dan tur te, Independence Day puala intihsiakna buatsaih tur te leh tul dang te an sawi ho a ni. Bawrhsap Pu K. Vanlalthiana chuan kan ram zalen ni ropui tluang taka hman a nih theih nan thawhhona tha nei turin hotute a sawm a ni.

Independence Day hi a vawi 79-na tur a ni a, Khawzawl District-ah Agriculture Minister Pu P.C. Vanlalruata khuallian a ni ang a, Mualvawm Field-ah August ni 15, 2025 chawhma dar 10-ah lawmna hun hman a ni ang.