Dated Khawzawl, the 26th September, 2020

Nimin khan Khawzawl Deputy Commissioner's office buatsaihin Khawzawla sportspersons te tan Fit India Freedom Run thawhkhatna hun hman a ni. He hunah hian Khawzawla Football, Volleyball leh Badminton association te atangin aiawh inthlangchhuakin an vaiin mi 46 an tlan.

Deputy Commissioner Pu Zothanmawia chuan zing dar 6:30 ah fuihna thu sawiin participant te a vailiam a. India ram chuan taksa leh rilru hriselna lamah hmasawn zelin, Mizo mipuite pawhin kan ei leh in, nunphungah fitness kan ngai pawimawh chho zel chu lawmawm a tih thu a sawi a. India ramah hemi kawnga hmahruaitu nihna chelh thei turin tan kan lak sauh sauh a pawimawh hle a ni a ti.

Fit India Freedom Run thawhkhatna hi Taidawnkawn atanga tanin, Hospital pêng, Hermon Veng thleng tlan a ni a, a thui zawng hi km 3.5 vel a ni. 

Tukin khan Khawzawl Deputy Commissioner's office buatsaihin 'Fit India Freedom Run' thawhhnihna hun hman a ni bawk a, Khawzawla sawrkar department hrang hrang bakah NGO aiawh inthlangchhuakin an vaiin mi 49 an tlan.

Additional Deputy Commissioner Pu Lalrohlua chuan zing dar 6:30 ah fuihna thu sawiin participant te a vailiam a. Tlan leh kal chu insawizawina awlsam ber a ni tih sawiin, fitness pawimawhna a sawi a. Natna hrang hrang heng - lung natna, zunthlum, depression etc. - te pawh taksa fit zek zawk zingah a tlemin, veina chance a tlem zawk hle a ni a ti.

Tukina Fit India Freedom Run hi Taidawnkawn, Zaingen atanga tanin 2nd IR Bn camp pêng, Lungvar thleng tlan a ni a, a thui zawng hi km 2 vel a ni. 

Fit India Freedom Run hi intihsiakna a ni lo a. Nimin leh tukinah hian Finishing point ah DC office staff ten refreshment an lo sem thin a ni. 

Written by H. Lalramenga, SDC, Khawzawl District