Khawzawl, the 1st February, 2021:
Vawiin chawhma dar 11:00 khan Mizoram pawna hna thawk thin, Covid-19 hrileng vanga Mizorama rawn lêt leh te tana Training chu Zaingen YMA hall ah hawnna hun hman a ni a, Pu Zothanmawia, Deputy Commissioner, Khawzawl District chu Khuallian a ni.
"Entrepreneurship Development Programme, Livelihood Generation for Returned Migrant Workers of Mizoram due to Covid-19 outbreak" hi nithum (1-3.2.2021) awh tur a ni a. Mizoram Youth Commission, Commerce & Industries Department leh Planning & Programme Implementation Department te tanghoin an buatsaih a ni a. Khawzawl District chhungah Training turin mi 32 thlanchhuah an ni.
Vawiina training hawnna inkhawm hi Pu Lalrinawma, Functional Manager, DIC Champhai in kaihruaiin, training tura thlanchhuah mi 32 te hnenah Khuallian in T-shirt leh Training atana material pawimawhte a sem zui a ni.
Training hi chawhnu lamah tan nghal niin Pu Ramnundanga, Assistant Professor, Champhai Govt. College chu Resource Person a ni.
