Khawzawl, dated 9th June 2025: Vawiin chawhma dar 11 khan DC Auditorium, Khawzawlah District Planning Committee te an thukhawm a, District Bawrhsap leh Committee Chairman ni bawk Pu K. Vanlalthiana’n a kaihruai a ni.

He hunah hian Article 275(1) leh DAJGUA Scheme kalphung inhrilhhriatna leh kum 2025-2026 Financial Year a telh tur project hrang hrang Line Department atanga lo lut te sawiho niin thlan chhuah nghal a ni. Chairman Pu K. Vanlalthiana chuan heng project te hi mipui tana malsawmna leh hmasawnna thlentu a nih ngei a beisei thu a sawi a, department tel apiang te tang tlanga theihtawp chhuah turin a sawm bawk a ni.

He hunah hian DPC memberte (pisa hotu hrang hrang) bakah YMA te, MUP te, MHIP te leh sawm bik dang te an tel a ni.