Dated Khawzawl, 16th March, 2026: Vawiin chawhma dar 11:00 khan DC Conference Hall, Khawzawl-ah District Level Worshop on Handholding chu Khawzawl Bawrhsap Pu K. Vanlalthiana kaihhruainain neih a ni.
Bawrhsap, Pu K. Vanlalthiana chuan District Level Worshop on Handholding programme buatsaih theih a ni chu lawmawm a tih thu sawiin, Banakaih scheme hi sorkarin ram mipuite, hmasawnna lam pan tuma rilru, ngaihtuahna, tha leh zung senga theihtawp chhuahte tan an bana kaia an harsatna te hriatpuia hmasawn tura a puihna a ni tih hriat a tul thu a sawi a. Sawrkara innghat tawp mai lova mimalin theihtawp chhuah a beih ve hmasak a tul a ni a ti a, Hmasawnna rahbi kan kai hian keimahni bakah kan chhungkua, khawtlang leh ram tan a ni tih hriat a tul hle thu kalkhawmte chu a chah a, he scheme ti hlawhtling tura theihtawp chhuah theuh turin a sawm a ni.
He hunah hian Pu R. Lalrinhlua, SDC hnen atangin report ngaihthlak a ni a, SBI Manager hnen atangin loan pek chhuah tawh dante ngaihthlak a ni bawk. Heng bakah hian Bana Kaih CEO Pu Lalfakzuala hnen atang leh H. Lalhmachhuani, DDM, NABARD hnen atangin Bana Kaih hnuaia loan lak theih dan hrang hrang leh KCC kalphung inhrilh hriatna hun hman a ni a, chairman kaihhruainain interaction hlawkthlak tak hman niin, Bana Kaih hnuaia loan la hlawhtlingte video clip enhona neih a ni bawk. Programme hman zawh hian CEO kaihhruainain Bana Kaih hnuaia Progress Partner thenkhatte tlawhna hun neih nghal a ni.
Khawzawl District-ah hian Bana Kaih (handholding) Scheme hnuaiah loan dilna hi 44 dawn niin 31 approved a ni a, 13 return awmin Pending hi 13 a awm a, avaia loan pekchhuah hi cheng nuai 131.51 (₹131.51 lakh) a ni.
