Ni 24.09.2024 chawhma dar 11:00 am khan Zaingen YMA Hall-ah "Intensified IEC Campaign - India Fights against HIV/AIDS and STIs" kal zel pualin Mizoram State AIDS Control Society leh District AIDS Prevention and Control Committee (DAPCC) tawngkawp chuan District Level Red Ribbon School Quiz Competition, 2024 an buatsaih a, Khawzawl Deputy Commissioner, Pu K. Vanlalthiana chuan chairman niin hun a hmanpui.

He hunah hian khuallian Pu K. Vanlalthiana chuan he quiz competition kaltlang hian HIV/AIDS chungchangah ngaihtuahna thar a awm ngei a beisei thu a sawi a, Khawzawl district hi HIV free leh ruihhlo free a nih ngei theih nan theihtawp chhuaha thawk turin mipuite a sawm bawk a ni. Tleirawl leh thalaite chu HIV/AIDS laka an fihlim theih nan fimkhura nun uluk turin a fuih a, inringhlel kan awm anih chuan huaisen taka in test tir mai tur a ni tih a sawi bawk.

He hunah hian Pu Laldingliana, District Education Officer, Khawzawl chu chairman niin hun a kaihruai a, quizmaster Pi Ramengmawii Sailo, Asst. Accounts Officer, Samagra Shiksha chuan intihsiakna hi a kaihruai thung. Result puan leh lawmman sem hi Pu P.C. Rosiama, BRCC leh DAPCC Member ni bawk chuan a kaihruai a, vote of thanks Dr. Albert Lalhminghlua, Senior Medical Officer, District Hospital leh Member Secretary, DAPCC ni bawk chuan a sawi bawk a ni.

Intihsiaknaah hian school 10 an tel a, lawmman latute chu hengte hi an ni:

1st - PES Khawzawl Vengthar Pastorate

2nd - Grace Foundation School

3rd - Model High School

Consolation prize - Govt. High School & PES Khawzawl