Ni 10.09.2024 zing dar 11:00 am khan DC Meeting Hall-ah District Level Monitoring Committee on Mission Organic Value Chain Development for North Eastern Region (MOVCD-NER) an thukhawm a, Khawzawl Deputy Commissioner, Pu K. Vanlalthiana chu chairman a ni.

He hunah hian Clover Organic Pvt. Ltd. technical team atangin presentation ngaihthlak a ni a, an hmalakna te, an harsatna te leh an hmachhawp te an sawi lang a. Khawzawl district a MOVCD agenda te, a kalpui dan tur leh hmalak dan tur te sawi ho zui a ni. Chairman Pu K. Vanlalthiana chuan meeting member te hnenah an hun hlu tak senga an lo tel avangin lawmthu a sawi a, MOVCD hi kut hnathawkten an thlai leh thei chin atang hlawkna tam thei ang ber an hmuh theih nan tan lak zel a ngai tih sawiin meeting a kalkhawm te theihtawp chhuah turin a fuih a ni.

MOVCD-NER hi Nation Mission for Sustainable Agriculture hnuaia India sawrkar hmalakna a ni a, India hmar chhak state pariat a certification mumal tak nena thlai leh thei chin leh hralh a nih theih nana hmun hrang hrang inkara inkungkaihna changtlung tak siam a tum ber a ni.