Khawzawl, the 1^st February, 2022:

Vawiin chawhma dar 11:00 khan District Level Committee on Myanmar refugees, Khawzawl District chu an chairman Pu C.C. Lalchhuangkima, Deputy Commissioner ni bawk hovin DC Office Conference Hall-ah a vawikhatna atan an thukhawm

Meeting-ah hian Khawzawl District chhunga Myanmar ratlan awm mekte dinhmun thlirho a ni a. Tun dinhmunah District chhunga khaw 5 (panga) heng – Khawzawl, Chhawrtui, Chawngtlai leh Tlangmawi ah raltlan 54 awm mekin, heng raltlante hi an chhungte bel leh mahnia intungnung theiin an awm vek a. Khawzawl District chhungah a hranpaa refugee camp buatsaih a awm lo tih tarlan a ni. Sub-Headquarters YMA, Khawzawl aiawhte chuan Myanmar atanga raltlan lo lutte list lakkhawm leh buaipui chungchangah a tul dan ang zela District Administration thawhpui an tum tih an sawi bawk. 

Vawiina meeting-ah hian State sawrkar atangin Myanmar raltlante puala tanpuina Rs. 39,719/- (Cheng singthum sangkua zasarih sawmpakua) dawn tawh niin, hei hi semchhuah vek tawh a nih thu ngaihthlak a ni bawk. 

Raltlanten Covid-19 vaccine an lak ngei theih nan ruahmanna siam nise ti a rel a ni a. Raltlante a hmunah tlawh a, Medical Officer te nen inrawn chunga ruahmanna siam turin Additional DC Pu Lalrohlua leh SDO (Sadar) Pu James Lalnithanga, Nodal Officer ni bawkte chu ruat an ni.