Khawzawl, dated 26th November 2025: Vawiin chawhma dar 11 khan Khawzawl DC Auditorium-ah District AIDS Prevention & Control Committee (DAPCC) te'n World AIDS Day 1st December 2025 a hman dan tur chungchang an sawiho a. He meeting hi Khawzawl Bawrhsap Pu K. Vanlalthiana'n a kaihruai a ni.

Mizoram State AIDS Control Society chuan World AIDS Day 1st December 2025 a hman tur chu District khawpui hrang hrangah hlawk leh urhsun taka hman ni se an tih angin Khawzawl DAPCC chuan hman dan tur program duanlawkna an nei a. World AIDS day chu Zaingen Branch YMA Hall-ah neih nise an ti a, School naupang leh Cod-Narc Khawzawl te nen hman ho an rel. Tunkum atana theme thlan "Overcoming Disruption, Transforming the AIDS Response" hmangin Khawzawl CMO Dr. Shahnaz Zothanzami hnen atangin thusawi leh zirtirna ngaihthlak a ni ang. Chairman Pu K. Vanlalthiana chuan AIDS chungchang mi tam zawkin an hriat nan leh inven an thiam nan he hun hi hman thin a ni a, chanvo nei te theihtawp chhuah turin a fuih a ni.

He thutkhawmah hian Khawzawl SP, SDO (Sadar) leh sawkar hotu dangte an tel a ni.