Ni 26 August 2024 zing dar 11:00 am khan DC Meeting Hall-ah Teacher's Day (Zirtirtute Ni) hman dan tur rel ho a ni a, Khawzawl Deputy Commissioner, Pu K. Vanlalthiana chu he meeting-ah hian chairman niin hun a kaihruai

He hunah hian State Working Committee on Celebartion of Teachers’ Day meeting minute chhiar chhuah a ni a, rorelnaah hian sikul hrang hrangin an hman hun tur te, a huhova hmanna tur hun leh hmun te, zirtirtu tha lawmman dawng tana chawimawina hun hman dan tur te leh Khawzawl District chhunga Zirtirtute Ni kaihhnawih dang sawi ho a ni bawk. DC Pu K. Vanlalthiana chuan kalkhawmte hnenah sawihona hun tha tak an neih theih avangin lawmthu a sawi a, zirtirtute hi hnam rohlu an nihzia leh an pawimawhziate, theihtawpa chawimawi an phu thute sawiin tluang taka he ni pawimawh tak an hman theih nana tha taka thawk ho tura a beisei thu a sawi bawk