Khawzawl, 9th March 2024: Urban Development & Poverty Alleviation Department Khawzawl hnuaia City Mission Management Unit chuan March ni 13 atanga March ni 15 chhung hian Govt. Little Flower School, Khawzawl Dintharah DAY-NULM Festival cum Exhibition a buatsaih dawn a. He hunah hian DAY-NULM hnuaia benefeciary hrang hrang - Self Help Group, Skills Training chhuak, Street Vendor etc ten an thilsiam leh thiam thil phochhuah leh zawrhchhuahna hun an nei dawn a ni.

DAY-NULM Festival-ah hian puantah leh thiam hnang deh lama eizawngtute kutchhuak bakah ei tur leh infiamna chi hrang hrang te chhawpchhuah a ni dawn a. UD&PA Department chuan mi zawng zawng he hunah hian tel turin a sawm a ni.

Deendayal Antyodaya Yojana - National Urban Livelihood Mission hi sawrkar laipui scheme niin, khawpui chhunga mi harsa zawk ten lei rem an rah theihna turin hmalakna hrang hrang he scheme hnuaiah hian kalpui thin a ni.