Khawzawl, the 5th November, 2021:
Vawiin chawhma khan DC Office Conference Hall, Khawzawl-ah DAY-NULM City Executive Committee chu an chairman Pu CC Lalchhuangkima, Deputy Commissioner, Khawzawl District kaihruaiin an thukhawm a, DAY-NULM hnuaia hmalakna hrang hrang te ngaihthlak a ni.
Chairman sawm na in DUDO & Member Secretary Pu Ngurthansanga chuan Khawzawl khawpui chhunga Dharamshala sak chungchang sawifiahin, Khawzawl District Hospital a damlo awmpuitute’n thlenna remchang an neih mai thin loh avangin chutiang mite thlenna atan he Dharamshala ruahman a nih thu a tarlang a. MHIP Sub-Headquarters Khawzawl ramah sak a nih thu leh, a sakna tur ram leina tur fund a awm loh thu te, tangkai zawk a hman a nih ngei theih nana thawh ho zel a ngaih thu te leh, a Fund release dan hi 5: 40: 40: 15 ratio tur a nih thu te ngaihthlak a ni.
Khawzawl Khawpui chhungah hian DAY-NULM hnuai ah Self Help Group 17 din tawh niin, Skills training hrang hrang – Beauty therapist, Tailoring, Baking Technician leh Squash & Juice Processing technichian ah te mi 120 training pek tawh a ni. Self-employment programme hnuaiah khawpui a mirethei te emaw mirethei pawlte hnena anmahnia eizawnna leh sumdawnna tenau an din theihna tur interest subsidy loan mi 12 hnenah pek tawh ni in, tunah hian loan hi pek chhuah leh tur a buatsaih mek a ni. Support to Urban Street Vendors hnuaiah Provisional Town Vending Committee din tawh niin, Shelter for Urban Homeless hnuaiah Dhramshala sak mek a ni a, Home awmsa pawh Day-NULM hnuaia tanpuina awm thei te an dawn theihnan register a ni tawh bawk a ni.
Chairman hnen atangin khawpui thang zelah Street Vendors te hi a tul anga an inzawrhna tur ngaihtuahpui a, khawpui chhung hmunhma te pawh siamrem a ngaih thu te, a tul anga PWD leh Superintendent of Police lam te nen thawkho chung a Street Vendors te thutna tur ruahman a tul thu te ngaihthlak a ni a. Hemi atan hian a hmasain NULM Support to Urban Street Vendors hnuaiah street Vendors identification survey pawh a rang lamin UD&PA Department in lo nei se tih a ni.
Hemi zawh hian Work Supervisor/ MHIP Sub-Headquarters atangin Dhramshala sak hnathawh dan tlangpui ngaihthlak a ni a. 1st installment Rs 2,66,755 /- dawng tawh in tunah hian slab chhung tur a an inbuatsaih mek thu te, MHIP Sub-Headquarters OB te hian nitin duty pakhat (1) siam in Saturday thleng hnathawk an vil thu te, he Dharamshala tha tak a sak a nih theih nan mamawh tul ang te an dap zel thu report dawn niin, tunah hian Tui connection tur an buaipui mek thu te ngaihthlak a ni. Hei bakah hian an sum hmuh 1st installment an hman zawh tawh thu leh, tuna tan hian an senso zawng zawng hi cheng nuai 10 bawr vel ba leh pekchhuah an neih tawh thute ngaithlak bawk a ni. UD&PA Department lam atangin JE in Dharamshala sak chungchanga structural drawing hrilhfiahna neiin, a tul ang zela enpui thin an nih thu te, hnathawk te uluk taka vil an nih thute ngaihthlak a ni.
Report hrang hrangte ngaihthlak zawh a nih hnuin, tuna tan a Dharamshala sak mek hnathawh tawh chin thlalak thlir ho a ni a. Committee chuan SUH Dharamshala sakna tur atan 2nd installment hmu ngei tlak a ngaiin, meeting chuan 2nd installment dilna hi a remtihpui a ni.
