Khawzawl, the 20th September, 2020:

Khawzawl District Deputy Commissioner leh District Magistrate Pu Zothanmawia MCS thupek bawhzuiin Covid-19 chungchanga sawrkar thuchhuah hrang hrangte zawm a ni em tih Khawzawl chhunga veng hrang hrangah Zonal Officer, VLTF leh Police ten a hnuaia mi ang hian sawilawk lovin an endik.

16.09.2020: Hermon, Electric leh Vengthar

17.09.2020: Dinthar, Kawnzar, Zuchhip leh Zaingen

18.09.2020: Darngawn, Arro leh Lungvar

Hetianga sawilawk lo a endiknaah hian dawr leh sumdawnna hmundanga Register vawn te, public transport khalhtute, Restaurant leh thingpui dawr bakah, mipui vantlangin mask vuah, hand sanitizer hman leh social distancing vawn te an zawm tha em tihte endik a ni. 

Endikna atanga a lan danin a tlangpuiin mipuiin sawrkar thuchhuahte an zawm tha a. Chutihrualin dawrkai leh sumdawng thenkhat, register a phone number leh address dah mumal lo an awm a, a pawimawhzia inhrilhfiahin uluk lehzuala vawng chhunzawm tura hriattir an ni.

Endikna hi a khat tawkin neih thin a ni dawn a. Covid-19 hripui leng mek hi a darh zel lohna tura fimkhur zui zel turin District Level Task Force on Covid-19, Khawzawl District chuan mipuite a chah a ni.