Khawzawl, 21st May, 2024: Lok Sabha Inthlanpui, 2024 a vote tla te chu June ni 4, 2024 khian chhiar a ni dawn a. He mi atana inpuahchahna kal zelah vawiin khan Khawzawl DC Auditorium-ah Reserved EVM/VVPAT, inthlan laia hman loh set 5 (Ballot Unit 5, Control Unit 5 leh VVPAT 5) te chu vote chhiar inbuatsaihna Counting Training atan hman turin First Level Checking (FLC) neih a ni.
He hunah hian Dy. DEO Pu Lalfakzuala, Election Officer Pu Timothy R. Lalhmangaiha, eletion official-te leh Political Party aiawh te an tel a ni.
Vawiina neih zawh tak First Level Checking (FLC) ah hian EVM khawl hrang hrang- Voter Verifiable Paper Audit Trail (VVPAT), Control Unit (CU) leh Ballot Unit (BU) te chu uluk taka endik niin khawl siamtu, Electronic Corporations of India Limited (ECIL) engineer ten an en pui a ni.
