Khawzawl, dated 14th May 2025: Nizan dar 8:30 khan Khawzawlah rikrum thila him zawk nan blackout neih a ni a, minute 5 chhung Khawzawl pumpui tih thim a ni.

Blackout hi zan dar 8:30 khan tan niin DC Office atangin siren a ri a, Power & Electricity Department chuan Khawzawl khaw pumpui an ti thim a, mipui te'n an eng neih ang ang mahniin an ti thim bawk. He blackout hi minute 5 chhung neih niin 8:35 khan a zo a ni. Blackout hi Khawzawl District Disaster Management Authority (DDMA) chuan an lo endik a, drone hmangin Khawzawl khua thim leh thim loh endik a ni bawk. DDMA Chairman leh Khawzawl Bawrhsap ni bawk Pu K. Vanlalthiana chuan tluang taka blackout neih a nih vangin lawmawm a tih thu a sawi a, mipuiin an lo ngaih pawimawha thu an zawm that avangin lawmthu a hrilh bawk a ni.

(MIPUI HRIAT ATAN)

Siren rik danah hian second 15 chhung a rik hnua second 5 chawlin chutianga ri inchhawk char char a nih chuan rikrum thil engemaw hlauhawm a thleng tihna a ni a, second 90 chhung chawl lova a rik chuan hlauhawm a awm tawh lo tihna a ni.)